ສ້າງຄູບໍລິຫານການສຶກສາ

Project Description

ຫຼັກສູດ ປະລິນຍາຕີ 4 ປີ

ຄະນະສຶກສາສາດ

ມະຫາວິທະຍາໄລແຫ່ງຊາດລາວ

ນິຍາມ ແລະ ຄວາມສຳຄັນ

ການບໍລິຫານການສຶກສາໝາຍເຖິງການດໍາເນີນງານ ເພື່ອພັດທະນາສະມາຊິກຂອງສັງຄົມໃນທຸກໆດ້ານ ນັບຕັ້ງແຕ່ບຸກຄະລິກ ກະພາບ, ຄວາມຮູ້, ຄວາມສາມາດ, ພຶດຕິກໍາ ແລະ ຄຸນນະທໍາ. ການບໍລິຫານການສຶກສາ ມີຄວາມສໍາຄັນເນື່ອງຈາກເປັນ ການນໍາໃຊ້ຫຼັກການບໍລິຫານທາງດ້ານວິຊາການ ການຮຽນການສອນ, ບຸກຄະລາກອນ, ງົບປະມານ ແລະ ຊັບພະຍາກອນ ທາງການສຶກສາອື່ນໆ ເພ່ືອໃຫ້ມີປະສິດທິພາບສູງສຸດ ແລະ ບັນລຸເປົ້າໝາຍການພັດທະນາຄົົນ ກໍ່ຄືປະເທດຊາດ​.

ວິຊານີ້ຮຽນກ່ຽວກັບຫຍັງ

ສາຂານີ້ຮຽນກ່ຽວກັບການ​ບໍລິຫານ​ການ​ສຶກສາ​​ເຊັ່ນ: ຫຼັກການ ​ແລະ ທິດ​ສະ​ດີກາ​ນບໍລິຫານ​ການ​ສຶກສາ, ນະ​ໂຍບາຍ ​ແລະ ການວາງ​ແຜນການ​ສຶກສາ; ການ​ຄຸ້ມ​ຄອງ​ການ​ສຶກສາ​ເຊັ່ນ: ການບໍລິຫານບຸກຄະລາກອນ, ການຈັດຕັ້ງການຝຶກອົບຮົມຄູ, ການ ບໍລິຫານກິດຈະການນັກສຶກສາ, ການບໍລິຫານສະຖານທີ່ສຶກສາ ແລະ ສິ່ງແວດລ້ອມ; ​ການ​ພັດທະນາ​ການ​ສຶກສາ​ເຊັ່ນ: ການ​ວິ​ໄຈ​ເພື່ອ​ພັດທະນາ​ການ​ຮຽນການ​ສອນ; ​ແລະ ຫຼັກການເປັນຄູ ເຊັ່ນ: ທິດສະດີການສອນ, ການວິເຄາະ ແລະ ການສ້າງຫຼັກສູດ.

ວິທີການສິດສອນ

ວິທີການສິດສອນແມ່ນຈະໄດ້ຮຽນທິດສະດີເພື່ອເອົາໄປໃຊ້ໃນການປະຕິບັດຕົວຈິງ,ເຊິ່ງໃນນັ້ນ ນັກສຶກສາຈະໄດ້ຝຶກການຂຽນ ແຜນການສອນ, ການລົງສັງເກດການສອນ ​ແລະ ການ​ບໍລິຫານ​ການ​ສຶກສາ, ການຝຶກການສອນພາຍໃນຫ້ອງຮຽນ, ການສ້າງ ແຜນກິດຈະກໍາປະກອບການສອນ, ການສ້າງແຜນວຽກງານບໍລິຫານໃນຫ້ອງການ. ນອກ​ນັ້ນ ນັກສຶກສາຈະໄດ້ລົງ​ຝຶກງານ ຕາມໂຮງຮຽນມັດທະຍົມສຶກສາພາຍໃນນະຄອນຫຼວງວຽງຈັນ ຫຼື ຕ່າງແຂວງ ແລະ ວິທະຍາໄລຄູແຫ່ງຕ່າງໆ.

ທັກສະ/ຄວາມສົນໃຈ

ຄວາມຮູ້ພື້ນຖານ ທາງດ້ານສັງຄົມສາດ; ເປັນຄົນ ທີ່ມີພາວະຄວາມເປັນຜູ້ນໍາ, ມີມະນຸດສໍາພັນດີ,​ ມີຄວາມປະນີປະນອມ ແລະ ນັບຖືໃນຄວາມຄິດຂອງຄົນອ້ອມຂ້າງ; ມີຄວາມສາມາດ ໃນການວາງແຜນ ແລະ ປົກຄອງຢ່າງເປັນລະບົບ,  ສາມາດແກ້ໄຂ ບັນຫາ ແລະ ຕັດສິນໃຈຢ່າງມີເຫດຜົນ; ​ແລະ ມີຄວາມສົນໃຈໃນການ​ສຶກສາ ​ແລະ ພັດທະນາ.

ຈົບແລ້ວສາມາດ

ສາມາດນໍາໃຊ້ຫຼັກການທາງດ້ານການບໍລິຫານການສຶກສາເຂົ້າໃນການສ້າງ, ພັດທະນາຫຼັກສູດການສຶກສາ, ການຝຶກອົບຮົມຄູ ​ແລະ ວຽກງານ​ບໍລິຫານ​ການ​ສຶກສາ; ສາມາດ​ຄົ້ນຄວ້າ​ນະ​ໂຍບາຍ ​ແລະ ວາງ​ແຜນການ​ສຶກສາ, ມີທັກສະ​ໃນ​ການບໍລິຫານ​ໂຄງການ, ການປະເມີນຜົນການສຶກສາ, ການວິ​ໄຈ​ເພື່ອ​ພັດທະນາ​ການ​ຮຽນການ​ສອນ ​ແລະ ການວິ​ເຄາະ​ຫຼັກສູດ.

ອາຊີບ

ເປັນຄູສອນ; ເປັນຜູ້ບໍລິຫານໃນສະຖາບັນການສຶກສາລະດັບຕ່າງໆທັງພາກລັດ ແລະ ເອກະຊົນ; ເປັນນັກວິຊາການດ້ານ ການພັດທະນາການສຶກສາໃນໜ່ວຍງານທີ່ກ່ຽວຂ້ອງ ເຊັ່ນ: ກະຊວງສຶກສາທິການ ແລະ ກິລາ, ພະແນກສຶກສາທິການ ແລະ ກິລາແຂວງ ແລະ ຫ້ອງການສຶກສາທິການ ແລະ ກິລາເມືອງ; ​ແລະ ຍັງສາມາດເຮັດວຽກກ່ຽວກັບການບໍລິຫານດ້ານອື່ນໆ ເຊັ່ນ: ບໍລິຫານບຸກຄະລາກອນ

ວິຊາຮຽນ

ໝວດພື້ນຖານວິຊາສະເພາະ

  • ເຕັກໂນໂລຊີການສຶກສາ
  • ການວັດ ແລະ ການປະເມີນຜົນການສຶກສາ
  • ການວິໄຈພາກປະຕິບັດ
  • ວິທີວິໄຈການສຶກສາ
  • ສຶກສາສາດທົ່ວໄປ
  • ຈິດຕະວິທະຍາການສຶກສາ
  • ຈິດຕະວິທະຍາສັງຄົມ
  • ການວິເຄາະຫຼັກສູດ
  • ປະສົບການການສຶກສາ

ໝວດວິຊາສະເພາະການບໍລິຫານ

  • ຫຼັກການ ແລະ ທິດສະດີການບໍລິຫານການສຶກສາ
  • ຄວາມຮູ້ພຶ້ນຖານກ່ຽວກັບການບໍລິຫານການ​ສຶກສາ
  • ເສດຖະສາດການສຶກສາ
  • ໜ້າທີ່ການບໍລິຫານ ແລະ ການຄຸ້ມຄອງ
  • ການສຶກສາປຽບທຽບ
  • ທັກສະການສື່ສານການສຶກສາ
  • ພາວະຜູ້ນໍາ
  • ການບໍລິຫານພຶດຕິກໍາອົງກອນ
  • ນະໂຍບາຍ ແລະ ການວາງແຜນການສຶກສາ
  • ຄວາມສໍາພັນລະຫວ່າງໂຮງຮຽນກັບຊຸມຊົນ
  • ການບໍລິຫານບຸກຄະລາກອນ ແລະ ຊັບພະຍາກອນມະນຸດ
  • ການບໍລິຫານອາຄານສະຖານທີ່ ແລະ ສິ່ງແວດລ້ອມ
  • ການບໍລິຫານຫ້ອງການ
  • ການບໍລິຫານກິດຈະການນັກສຶກສາ
  • ການບໍລິຫານການເງິນ
  • ການບໍລິຫານຫຼັກສູດ
  • ພາວະຜູ້ນໍາທາງວິຊາການ
  • ກົດໝາຍ ແລະ ຈັນຍາບັນມືອາຊີບ
  • ປະຫວັດການສຶກສາລາວ
  • ຄອມພິວເຕີເພື່ອຖານຂໍ້ມູນ ແລະ ການວິໄຈ
  • ພາສາອັງກິດສໍາລັບການບໍລິຫານ
  • ການນິເທດການສຶກສາ
  • ການບໍລິຫານໂຄງການ ແລະ ການປະເມີນການສຶກສາ
  • ສໍາມະນາປະເດັນ ແລະ ທິດທາງໃນການບໍລິຫານການ​ສຶກສາ
  • ການບໍລິຫານຄຸ້ມຄອງລະບົບຂໍ້ມູນຂ່າວສານການສຶກສາ
  • ການວິໄຈເພື່ອພັດທະນາການຮຽນ-ການສອນ