ສ້າງຄູພາສາລາວ – ວັນນະຄະດີ

Project Description

ຫຼັກສູດ ປະລິນຍາຕີ 4 ປີ

ຄະນະສຶກສາສາດ

ມະຫາວິທະຍາໄລແຫ່ງຊາດລາວ

ນິຍາມ ແລະ ຄວາມສຳຄັນ

ພາສາ​ລາວ ​ແລະ ວັນນະຄະດີ ​​ເປັນ​ເຄື່ອງມື​ສໍາລັບ​ການ​ສື່ສານ ​ແລະ ​​​ເປັນ​ເອກະລັກ​ທີ່​ບົ່ງ​ບອກ​ຄວາມ​ເປັນ​ຊາດ ນັບຕັ້ງ​ແຕ່​ອະ​ດີດ​ຈົນ​ເຖິງ​ປັດຈຸ​ບັນ. ພາສາ​ລາວ, ວັນນະຄະດີ ​ແລະ ປະຫວັດສາດ ນັ້ນພົວພັນຄຽງຄູ່​ກັນ ດັ່ງນັ້ນ ການ​ສອນ​ວິຊາ​ນີ້ ຈະ​ຊ່ວຍ​ສົ່ງ​ເສີມ​ຄວາມ​ຮູ້​ຄວາມ​ເຂົ້າ​ໃຈ​ຢ່າງ​ເລິກ​ເຊິ່ງ​ ເຖິງ​ຄວາມ​ເປັນ​ມາ​ຂອງ​ຊາດ​ລາວ ບໍ່ວ່າ​ຈະ​ເປັນ​ທາງ​ດ້ານ​ວັດທະນະ​ທໍາ, ສະພາບ​ທາງ​ສັງ ຄົມ, ຮີດຄອງ​ປະ​ເພນີ ​ແລະ ອື່ນໆ ທີ່​ໄດ້​ຖືກ​ຖ່າຍ​ທອດ​ຜ່ານພາສາ ​ແລະ ບົດ​ປະພັນ​ວັນນະຄະດີ​ປະ​ເພດ​ຕ່າງໆ.

ວິຊານີ້ຮຽນກ່ຽວກັບຫຍັງ

ສາຂາວິຊາ​ນີ້ຮຽນ 3​ ດ້ານ​ຫຼັກ ຄື: (1) ຄວາມ​ຮູ້​ກ່ຽວກັບພາສາ​ລາວ ​ເຊັ່ນ: ກົກ​ເຄົ້າ ​ແລະ ການ​ກໍາ​ເນີ​ດຂອງ​ພາສາ, ພາສາ​ບາ​ລີ-ສັນສະກິດ, ​ຕົວ​ອັກສອນລາວ, ໄວຍາກອນ​ລາວ ​ແລະ ການ​ນໍາ​ໃຊ້​ພາສາ​ລາວ​ຢ່າງຖືກຕ້ອງ; (2) ຄວາມ​ຮູ້​ກ່ຽວກັບ​ວັນນະຄະດີ​ເຊັ່ນ: ວິທີ​​ວິ​ເຄາະ, ອະທິບາຍ ​ແລະ ​ໄຈ້​ແຍກ​ຕົວ​ລະຄອນ, ທິດ​ສະ​ດີ​ວັນນະຄະດີ, ວັນນະຄະດີ​ລາວ ​ແລະ ຕ່າງປະ​ເທດ; ແລະ (3) ຄວາມ​ຮູ້​ກ່ຽວກັບ​ການ​ສອນ ​ເຊັ່ນ: ວິທີ​ການ​ສິດສອນ ​ແລະ ການ​ປະ​ເມີນ​ຜົນ​ການ​ຮຽນການ​ສອນ ​ເປັນຕົ້ນ.

ວິທີການສິດສອນ

ວິທີ​ການ​ສິດສອນ​ປະກອບມີ ການຮຽນທິດ​ສະ​ດີ ຄຽງຄູ່​ໄປ​ກັບ​ການ​ປະຕິບັດ​ຕົວ​ຈິງ​ ເຊິ່ງລວມມີ​ ການຕີ​ລາຄາ, ວິ​ເຄາະ ​ແລະ ຂຽນບົດ​ລາຍ​ງານກ່ຽວກັບ​ວັນນະຄະດີ​ລາວ ​ແລະ ຕ່າງປະ​ເທດ, ​ການໃຫ້​ທັດສະນະ​ຕົນ​ເອງ​ຕໍ່ຕົວ​ລະຄອນ​ໃນ​ວັນນະຄະດີ. ນອກນີ້ ຍັງມີການຝຶກ​ການແຕ່ງ​ບົດ​ສອນ ​ແລະ ສະ​​ແດງ​ທັກ​ສະ​ການ​ຮຽນ-ການ​ສອນພາຍ​ໃນ​ຫ້ອງ​ຮຽນ ​​​​ໂດຍ​ນັກ​ສຶກສາ​ຈະມີ​ສ່ວນ​ຮ່ວມ​ໃນການປະ​ເມີນ​ຜົນການສອນ​​ເຊິ່ງກັນ​ ແລະ ​ກັນ​​. ພ້ອມທັງລົງ​ຝຶກ​ງານ​ໃນ​ໂຮງຮຽນ​ມັດທະຍົມ​ສຶກສາ​ຕອນ​ປາຍ.

ທັກສະ/ຄວາມສົນໃຈ

ຄວາມ​ຮູ້​ພື້ນຖານ ທາງດ້ານວິຊາ​ພາສາລາວ ​ແລະ ວັນນະຄະດີ; ມີ​ທັກ​ສະ ​ດ້ານຫັດ​ແຕ່ງ ​ແລະ ​ການ​ນໍາ​ໃຊ້​ພາສາ; ເປັນ​ຄົນ​ ມັກ​ການ​ອ່ານ, ​ເວົ້າ ແລະ ຟັງ, ມີຄວາມຮັກໃນ​ວັດທະນະ​ທໍາ ​ແລະ ຮີດຄອງ​ປະ​ເພນີ​ລາວ; ມີ​ຄວາມ​ສົນ​ໃຈ ສຶກສາກ່ຽວກັບ ບົດ​ເລື່ອງ, ນິທານ, ກະວີ ​ແລະ ວັນນະຄະດີປະ​ເພດ​ຕ່າງໆ ແລະ ການໃຊ້ສໍານວນຄໍາ​ເວົ້າ, ພ້ອມ​ທັງ​ສົນ​ໃຈ​ໃນການ​ສອນ.

ຈົບແລ້ວສາມາດ

ມີທັກ​ສະໃນການຟັງ, ​ເວົ້າ, ອ່ານ, ຂຽນ ​ແລະ ​ການ​ນໍາ​ໃຊ້​ພາສາ​ລາວ​ໄດ້​ຢ່າງ​ຖືກຕ້ອງ​, ສາມາດ​ອ່ານໜັງສື​ທໍາ ​ແລະ ພາສາ​ບາ​ລີ, ມີທັກ​ສະ​ໃນ​ການ​ຂຽນຂ່າວ, ທັກ​ສະ​ໃນການ​ວິພາກ, ວິ​ເຄາະ​ວັນນະຄະດີ ​ແລະ ສົມທຽບວັນນະຄະດີ, ມີ​ຄວາມສາມາດ​ໃນ​ການ​ສອນ ​ແລະ ຖ່າຍທອດຄວາມ​ຮູ້ກ່ຽວກັບ​ພາສາ​ລາວ-ວັນນະຄະດີ.

ອາຊີບ

ສາມາດປະກອບອາຊີບ ເປັນຄູ​ສອນພາສາ​ລາວ-ວັນນະຄະດີ​ໃນຊັ້ນມັດທະຍົມສຶກສາ ແລະ ວິທະຍາໄລສຶກສາ, ປະ​ຈໍາ​ການ​ຢູ່ຫ້ອງການ ແລະ ​ພະ​ແນ​ກສຶກສາຂັ້ນ​ເມືອງ ​ແລະ ຂັ້ນ​ແຂວງ, ​​ເປັນພິທີ​ກອນ, ​ນັກຂຽນຂ່າວ, ນັກຂຽນບົດ​ຄວາມ ​ໃນ​ຂະ​ແໜງທີ່ກ່ຽວກັບ​ສື່ສານມວນຊົນ ​ເຊັ່ນ: ໜັງສື​ພິມ, ​ໂທລະພາບ, ວາລະສານ ​ແລະ ຂະ​ແໜງການອື່ນໆ​ທີ່​ກ່ຽວຂ້ອງ​ກັບ​ວັດທະນະ​ທໍາ.

ວິຊາຮຽນ

ໝວດພື້ນຖານ​ວິຊາ​ສະ​ເພາະ

  • ​ເຕັກ​ໂນ​ໂລ​ຊີ​ການ​ສຶກສາ
  • ວັດ-ປະ​ເມີນ​ຜົນ​ການ​ສຶກສາ
  • ກາ​ນວິ​ໄຈ​ພາກ​ປະຕິບັດ
  • ວິທີວິໄຈການສຶກສາ
  • ສຶກສາສາດທົ່ວໄປ
  • ບໍລິຫານການສຶກສາ
  • ຈິດຕະວິທະຍາ​ພັດທະນາ​ການ
  • ວິ​ເຄາະ​ຫຼັກສູດ​ສ້າງ​ຄູ
  • ປະສົບ​ການ​ວິຊາ​ຊີບ​ຄູ
  • ວິທີສິດສອນ
  • ຈິດຕະວິທະຍາສັງຄົມ
  • ຈິດຕະສຶກສາ ແລະ ການແນະແນວ

ໝວດວິຊາສະເພາະ

  • ທິດ​ສະ​ດີ​ພາສາ
  • ວັດຈະນະ​ສຶກສາລາ​ວ
  • ອັກຂະ​ຫຼະວິ​ທະຍາ
  • ປະຫວັດສາດ​ຕົວ​ອັກສອນ
  • ພາສາ​ລາວ​ນໍາ​ໃຊ້​ໂດຍ​ສັງ​ເຂ​ບ
  • ບາ​ລີ-ສັນສະກິດ
  • ວາ​ກະ​ຍະ​ສໍາພັນ
  • ສັນທະ​ສິນ​ສາດ
  • ອັກສອນ​ທໍາ
  • ທິດ​ສະ​ດີ​ວັນນະຄະດີ
  • ວັນນະຄະດີ​ພື້ນ​ເມືອງ
  • ວັນນະຄະດີ​ລ້ານ​ຊ້າງ​
  • ວັນນະຄະດີ​ປັດຈຸ​ບັນ
  • ວັນນະຄະດີ​ໄທ
  • ວັນນະຄະດີຫວຽດນາມ
  • ວັນນະຄະດີກໍາປູ​ເຈຍ
  • ວັນນະຄະດີຈີນ
  • ວັນນະຄະດີຍີ່ປຸ່ນ
  • ວັນນະຄະດີອິນ​ເດຍ
  • ວັນນະຄະດີຣັດເຊຍ
  • ວັນນະຄະດີຝຣັ່ງ
  • ວັນນະຄະດີ​ເກຣັກ
  • ວັນນະຄະດີອັງກິດ