ສິລະປະປັ້ນດິນ​ເຜົາ

ສິລະປະປັ້ນດິນ​ເຜົາ ​ໝາຍເຖິງ ກາານນໍາໃຊ້ສິລະປະເຂົ້າໃນການປັ້ນຫຼໍ່ວັດຖຸສິ່ງຂອງ ທີ່ເປັນເຄື່ອງປັ້ນດິນ​ເຜົາ ເຊິ່ງ​ຂະ​ແໜງການດັ່ງກ່າວ ແມ່ນ​ມີ​ຄວາມ​ສຳຄັນ ແລະ ​ຄຸ້ນ​ເຄີຍກັນດີໃນ​ສັງຄົມ​ລາວ ​ແຕ່​ອະດີດຈົນ​ເຖິງ​ປະຈຸ​ບັນເຊັ່ນ: ເຄື່ອງ​ເຄືອບ, ຖ້ວຍ-ຈານ, ​ໄຫ​ໃສ່​ນ້ຳ, ​ເຕົ້າດອກ​ໄມ້ ແລະ ​ໂຄມ​ໄຟ​ປະດັບ​ເປັນຕົ້ນ ເຊິ່ງມັນໄດ້ສະແດງເຖິງ ຄວາມເປັນເອກະລັກ ແລະ ອຸດົມສົມບູນທາງດ້ານສິລະປະ ແລະ ວັດທະນະທໍາຂອງສັງຄົມລາວ. 

ສິລະປະປັ້ນດິນ​ເຜົາ ​ໝາຍເຖິງ ກາານນໍາໃຊ້ສິລະປະເຂົ້າໃນການປັ້ນຫຼໍ່ວັດຖຸສິ່ງຂອງ ທີ່ເປັນເຄື່ອງປັ້ນດິນ​ເຜົາ ເຊິ່ງ​ຂະ​ແໜງການດັ່ງກ່າວ ແມ່ນ​ມີ​ຄວາມ​ສຳຄັນ ແລະ ​ຄຸ້ນ​ເຄີຍກັນດີໃນ​ສັງຄົມ​ລາວ ​ແຕ່​ອະດີດຈົນ​ເຖິງ​ປະຈຸ​ບັນເຊັ່ນ: ເຄື່ອງ​ເຄືອບ, ຖ້ວຍ-ຈານ, ​ໄຫ​ໃສ່​ນ້ຳ, ​ເຕົ້າດອກ​ໄມ້ ແລະ ​ໂຄມ​ໄຟ​ປະດັບ​ເປັນຕົ້ນ ເຊິ່ງມັນໄດ້ສະແດງເຖິງ ຄວາມເປັນເອກະລັກ ແລະ ອຸດົມສົມບູນທາງດ້ານສິລະປະ ແລະ ວັດທະນະທໍາຂອງສັງຄົມລາວ. 

ນັກສຶກສາ ຈະໄດ້ຮຽນທິດສະດີໃນຫ້ອງຮຽນ  ໂດຍຜ່ານການບັນຍາຍ ຈາກ​ອາຈານ​ຜູ້​ທີ່​ມີ​ຄວາມ​ຊຳນານ​ງານ​ໃນ​ການ​ຜະລິດ, ຮຽນຮູ້​ເຕັກນິກການສ້າງສັນຜົນງານ ໂດຍການວິເຄາະຕົວຢ່າງຜະລິດຕະພັນ ພ້ອມກັບຮັບຟັງຄໍາແນະນໍາຈາກຄູອາ ຈານໃນການຜະລິດ, ການນໍາໃຊ້ສູດ​ເຄມີ ສຳລັບ ການ​ເຄືອບ​ຜະລິດ​ຕະພັນເຄື່ອງ​ປັ້ນ ແລະ ​ຮຽນຮູ້ ​ວິທີ​ການ​ປັບ​ອຸນຫະ​ພູມ​ທີ່​ເໝາະສົມ​ໃນ​ການ​ເຜົາ​ຜົນງານ ເຊິ່ງທັງໝົດນີ້​ແມ່ນ​ເນັ້ນໜັກ​ພາກ​ປະຕິບັດ​ຕົວ​ຈິງ​ເປັນ​ສ່ວນ​ໃຫຍ່.

ຄວາມຮູ້ພື້ນຖານ ດ້ານສິລະປະ ແລະ ການແຕ້ມຮູບຂັ້ນພື້ນຖານ. ເປັນຄົນ ມີຄວາມເອົາໃຈໃສ່ຕໍ່ລາຍລະອຽດ, ມີຄວາມລະອຽດອ່ອນ ແລະ ຄວາມປານີດ, ມີຄວາມອົດທົນສູງ, ມີຈິນຕະນາການ ແລະ ມີຄວາມຄິດສ້າງສັນ. ມີຄວາມສົນໃຈ ແລະ ມັກຮັກໃນວຽກງານການປັ້ນ.

ມີຄວາມຮູ້ທາງດ້ານສິລະປະການ​ປັ້ນດິນ​ເຜົາ​, ຮູ້ນໍາໃຊ້​ເຕັກ​ນິກ ແລະ ວິທີ​ການ​ຕ່າງໆ ເຂົ້າໃນການປັ້ນ, ມີ​ຄວາມ​ສາມາດ​ໃນ​ການ​ນຳ​ໃຊ້​ເຄມີ​ເຂົ້າໃນການເຄືອບ​ເງົາ​ຜົນງານ, ຮູ້ນໍາໃຊ້​ແນວຄວາມ​ຄິດ​ສ້າງສັນ ແລະ ຈິນຕະນາການໃໝ່ ເຂົ້າໃນການຜະລິດ ແລະ ສ້າງສັນຜົນງານ​ໃໝ່ໆອອກສູ່ສັງຄົມ.

ເປັນຊ່າງສີມື ດ້ານການ​ປັ້ນດິນ​ເຜົາ, ​ເປີດ​ກິດຈະການ​ສ່ວນ​ຕົວ, ​ເປັນອາຈານສອນ ແລະ ຍັງສາມາດເຮັດວຽກໃນອົງກອນທີ່ກ່ຽວຂ້ອງເຊັ່ນ: ບໍລິສັດຜະລິດຕະພັນວັດທະນະທຳ, ບໍລິສັດກໍ່ສ້າງ-ອອກແບບຕົກແຕ່ງ, ຫ້ອງການພາກລັດ,ໂຮງຮຽນວິຈິດສິນ ແລະ ໂຮງຮຽນ ວິຊາຊີບຕ່າງໆ.