ການປ່າໄມ້ຊຸມຊົນ ແລະ ພັດທະນາຊົນນະບົດ
ການປ່າໄມ້ຊຸມຊົນ ແມ່ນການຄຸ້ມຄອງປ່າໄມ້ປະເພດຕ່າງໆ ໂດຍປະຊາຊົນທ້ອງຖິ່ນ ເຊັ່ນ: ປ່າປູກຂອງປະຊາຊົນ, ປ່າໄມ້ບ້ານ ແລະ ປ່າໄມ້ທີ່ລັດຄຸ້ມຄອງແບບມີສ່ວນຮ່ວມ. ການພັດທະນາຊົນນະບົດ ຄືການສົ່ງເສີມການຜະລິດກະສິກໍາ-ປ່າໄມ້ ແລະ ການດໍາເນີນທຸລະກິດຂະໜາດນ້ອຍ. ທັງສອງຢ່າງລ້ວນມີເປົ້າໝາຍເພື່ອພັດທະນາຊີວິດການເປັນຢູ່ຂອງປະຊາຊົນ ພ້ອມທັງອະນຸລັກ ແລະ ຄຸ້ມຄອງຊັບພະຍາກອນທໍາມະຊາດໃຫ້ຍືນຍົງ ຕາມນະໂຍບາຍປົກປັກຮັກສາສິ່ງແວດລ້ອມ ແລະ ພັດທະນາແບບຍືນຍົງ.
ສາຂານີ້ຮຽນກ່ຽວກັບ ການຄຸ້ມຄອງປ່າໄມ້ໃນຊົນນະບົດ ແລະ ຕົວເມືອງ; ການສົ່ງເສີມການຜະລິດກະສິກໍາ-ປ່າໄມ້ ແລະ ການດໍາເນີນທຸລະກິດເພື່ອສ້າງລາຍຮັບ. ໃນນັ້ນລວມມີ: ການອະນຸລັກຊັບພະຍາກອນທໍາມະຊາດ, ການວາງແຜນຄຸ້ມຄອງປ່າໄມ້ຊຸມຊົນ, ປ່າໄມ້ຕົວເມືອງ ແລະ ສວນສາທາລະນະ, ການກະສິກໍາປ່າໄມ້, ເສດຖະສາດປ່າໄມ້, ການວາງແຜນພັດທະນາຊົນນະບົດ, ການສົ່ງເສີມກະສິກໍາ ແລະ ປ່າໄມ້, ການພັດທະນາທຸລະກິດຂະໜາດນ້ອຍ ແລະ ສະຫະກອນການຜະລິດ.
ວິທີການສິດສອນປະກອບມີການຮຽນກ່ຽວກັບທິດສະດີ ຜ່ານການບັນຍາຍ ແລະ ການສໍາມະນາ, ມີການແລກປ່ຽນຄວາມຄິດ ເຫັນລະຫວ່າງນັກສຶກສາ ພາຍໃນຫ້ອງຮຽນ, ການກໍານົດຫົວຂໍ້ໃຫ້ນັກສຶກສາຄົ້ນຄວ້າ ແລະ ຂຽນບົດລາຍງານ. ນອກຈາກນີ້ ຍັງມີການລົງພາກປະຕິບັດຕົວຈິງໃນບໍລິເວນຄະນະວິຊາ, ຝຶກງານພາກສະໜາມ ແລະ ທັດສະນະສຶກສາ ຢູ່ເນື້ອທີ່ປ່າທົດລອງ, ສະຖາບັນປ່າໄມ້, ໂຄງການພັດທະນາຊົນນະບົດ ແລະ ໂຮງງານປຸງແຕ່ງຜະລິດຕະພັນປ່າໄມ້ ແລະ ກະສິກໍາ.
ທັກສະໃນການວາງແຜນ ການຄຸ້ມຄອງປ່າໄມ້, ພັດທະນາຊົນນະບົດ ແລະ ການດໍາເນີນທຸລະກິດຂະໜາດນ້ອຍ; ການເຮັດວຽກກັບຊຸມຊົນ; ໃຫ້ຄໍາປຶກສາແກ່ຊຸມຊົນກ່ຽວກັບການຈັດຕັ້ງປະຕິບັດແຜນການຄຸ້ມຄອງປ່າໄມ້; ສົ່ງເສີມໃຫ້ປະຊາຊົນຮູ້ອະນຸລັກ ແລະ ນໍາໃຊ້ຊັບພະຍາກອນປ່າໄມ້ຖືກຕ້ອງຕາມຫຼັກວິຊາການ ແລະ ດໍາເນີນການຜະລິດກະສິກໍາ-ປ່າໄມ້ ຕາມຫຼັກເສດຖະສາດ.
ນັກວິຊາການດ້ານອະນຸລັກ ແລະ ຄຸ້ມຄອງປ່າໄມ້, ສົ່ງເສີມ ແລະ ພັດທະນາຊຸມຊົນ ໃນໜ່ວຍງານພາກລັດ ແລະ ເອກະຊົນ ໃນຂະແໜງການປ່າໄມ້, ການສົ່ງເສີມກະສິກໍາ ແລະ ສະຫະກອນ, ການຄຸ້ມຄອງຊັບພະຍາກອນປ່າໄມ້, ການພັດທະນາຊົນນະບົດ; ສະຖາບັນການເງິນຈຸລະພາກ; ໂຄງການພັດທະນາ; ບໍລິສັດທີ່ປຶກສາການລົງທຶນ ຫຼື ອົງການຊ່ວຍເຫຼືອ ທີ່ກ່ຽວຂ້ອງ.
- ໝວດວິຊາພື້ນຖານວິຊາສະເພາະ
- ພືດສາດ
- ອຸຕຸນິຍົມວິທະຍາ
- ວາງແຜນ ແລະ ຄຸ້ມຄອງໂຄງການ
- ນິຕິເວດວິທະຍາປ່າໄມ້
- ວະນະວັດວິທະຍາ
- ລະບົບຂໍ້ມູນຂ່າວສານທາງພູມສາດ
- ປະເມີນຜົນກະທົບທາງສິ່ງແວດລ້ອມ
- ສໍາຫຼວດ ແລະ ແຕ້ມແຜນທີ່
- ສັງຄົມວິທະຍາ
- ສຶກສາສິ່ງແວດລ້ອມ
- ເສດຖະສາດພື້ນຖານ
- ການບັນຊີ
- ວິທະຍາສາດເນື້ອໄມ້
- ນະໂຍບາຍ ແລະ ກົດໝາຍປ່າໄມ້
- ໝວດວິຊາສະເພາະ
- ວິທະຍາວັດແທກໄມ້
- ການສໍາຫຼວດປ່າໄມ້
- ວິທະຍາສາດດິນ
- ການເງິນຊົນນະບົດ
- ການອະນຸລັກທໍາມະຊາດ
- ການປ້ອງກັນປ່າໄມ້
- ການວາງແຜນການນໍາໃຊ້ທີ່ດິນ
- ການຄຸ້ມຄອງທີ່ດິນ
- ການຄຸ້ມຄອງເຄື່ອງປ່າຂອງດົງ
- ກະສິກໍາປ່າໄມ້
- ການຄຸ້ມຄອງແຫຼ່ງນໍ້າ
- ການວາງແຜນຄຸ້ມຄອງປ່າໄມ້
- ການຄຸ້ມຄອງປ່າໄມ້ຕົວເມືອງ ແລະ ສວນສາທາລະນະ
- ການຄຸ້ມຄອງປ່າໄມ້ຊຸມຊົນ
- ການວາງແຜນພັດທະນາຊົນນະບົດ
- ການສົ່ງເສີມກະສິກໍາ ແລະ ປ່າໄມ້
- ການຂະຫຍາຍ ແລະ ປັບປຸງພັນພືດ
- ການພັດທະນາທຸລະກິດຂະໜາດນ້ອຍ
- ວິສະວະກໍາຊົນນະບົດ
- ພື້ນຖານການປູກຝັງ ແລະ ລ້ຽງສັດ
- ການປູງແຕ່ງຜະລິດຕະພັນປ່າໄມ້ ແລະ ກະສິກໍາ
- ເສດຖະກິດປ່າໄມ້
- ພະລັງງານຊີວະພາບ
Leave A Comment