ສິລະປະ ຄວັດແກະ
ສິລະປະຄວັດແກະ ໝາຍເຖິງການ ຄວັດ, ເຈາະ, ຖາກ ແລະ ແກະ ວັດສະດຸ ໃຫ້ມີປະໂຫຍດໃນການໃຊ້ສອຍ ຫຼື ມີຄວາມສວຍງາມ ເຊິ່ງເປັນຂະແໜງການທີ່ມີເອກະລັກ ແລະ ໄດ້ຮັບຄວາມນິຍົມໃນສັງຄົມລາວ ເພາະເມື່ອເວົ້າເຖິງການແກະສະຫຼັກໄມ້ແລ້ວ ຖືວ່າເປັນວຽກງານທີ່ຕິດພັນກັບສັງຄົມລາວມາຕັ້ງແຕ່ອະດີດຈົນເຖິງປະຈຸບັນ ທີ່ໂດດເດັ່ນກໍ່ຄື ສິລະປະການຄວັດພະພຸດທະຮູບ ແລະ ລວດລາຍຕາມວັດວາອາຮາມ, ເຟີນິເຈີ ແລະ ຮູບແກະສະຫຼັກໄມ້ຕົກແຕ່ງຕາມ ສະຖານທີ່ຕ່າງໆ.
ວິຊານີ້ຮຽນກ່ຽວກັບ ຄວາມຮູ້ ແລະ ລັກສະນະຂອງວັດສະດຸຕ່າງໆ ທີ່ສາມາດນໍາມາຄວັດໄດ້ ເປັນຕົ້ນແມ່ນ ໄມ້, ຫີນ ແລະ ວັດສະດຸອື່ນໆ; ຂັ້ນຕອນ ແລະ ວິທີການຕ່າງໆໃນການຄວັດແກະ ໂດຍເນັ້ນການຄວັດ ໃນຮູບແບບຕ່າງໆ ຕາມຄວາມຕ້ອງການ ແລະ ຕາມແບບ ເຊັ່ນ: ການກໍານົດຮູບແບບ ແລະ ລວດລາຍ ແລະ ການຖ່າຍແບບລວດລາຍລົງເນື້ອໄມ້; ການແກະສະຫຼັກ ແຕ່ລະປະເພດ ແລະ ການນໍາໃຊ້ອຸປະກອນແຕ່ລະປະເພດ ໃຫ້ເໝາະສົມກັບ ວັດສະດຸ.
ວິທີການສິດສອນ ເລີ່ມຈາກການຮຽນທິດສະດີກ່ຽວກັບການຄວັດ ແລະ ຮຽນຮູ້ເຕັກນິກໃນການນຳໃຊ້ເຄື່ອງມື ແລະ ອື່ນໆ ແຕ່ຈະເນັ້ນໃສ່ການນໍາເອົາຄວາມຮູ້ເຫຼົ່ານັ້ນ ມາປະຕິບັດຕົວຈິງ ເຊັ່ນ: ເມື່ອຈະຄວັດວັດສະດຸໃດໜຶ່ງ ໃນເບື້ອງຕົ້ນ ອາຈານຈະມີແບບຢ່າງມາໃຫ້ນັກສຶກສາເບິ່ງ ເພື່ອຄວັດຕາມແບບ. ຫຼັງຈາກນັ້ນ ນັກສຶກສາກໍ່ຈະໄດ້ອອກແບບ ໂຄງສ້າງ ແລະ ລວດລາຍ ໂດຍສາມາດ ຄວັດຕາມແນວຄວາມຄິດ ຫຼື ຫົວຂໍ້ທີ່ໄດ້ກຳນົດໃຫ້.
ຄວາມຮູ້ພື້ນຖານ ສິລະປະກໍາດ້ານໃດໜຶ່ງ ຍິ່ງເປັນການດີ; ເປັນຄົນ ມັກຮັກໃນວຽກງານການຄວັດແກະ, ມີຄວາມອົດທົນສູງ ເພາະ ການຄວັດແກະ ກໍ່ເປັນວິຊາທີ່ໜັກ ແລະ ໃຊ້ເວລາສົມຄວນໃນ ການຜະລິດແຕ່ລະຄັ້ງ, ມີທັກສະໃນການໃຊ້ມືໃນການປະດິດ ແລະ ທີ່ສຳຄັນຕ້ອງມີຈິນຕະນາການ ແລະ ຄວາມຄິດສ້າງສັນ; ສົນໃຈໃນລວດລາຍໄມ້ ແລະ ຫີນແກະສະຫຼັກ.
- ພາສາລາວ
- ພາສາຕ່າງປະເທດ
- ທິດສະດີວັດທະນະທໍາ
- ເສດຖະສາດການເມືອງ
- ກົດໝາຍ
- ປະຫວັດສາດລາວ ແລະ ປະຫວັດສາດໂລກ
- ພຸທປຼັດຊະຍາ ແລະ ສາສະນາຕ່າງໆໃນໂລກ
- ຫ້ອງສະໝຸດ ແລະ ວິທີຄົ້ນຄວ້າ
- ດົນຕີພື້ນເມືອງ
- ດົນຕີສາກົນ
- ພູມສາດ
- ການແຕ້ມຂັ້ນ
- ອົງປະກອບສິນ
- ສະຖາປັດຕະຍະກໍາ
- ສີລະປະພື້ນເມືອງ
- ວິຊາຮ່າງພາບ
- ທິດສະດີສິລະປະ
- ສີລະປະລາຍລາວ
- ຄອມພິວເຕີ
- ທັດສະນີຍະພາບ
- ປະຫວັດສາດສີລະປະ
- ບູຮານຄະດີ
- ທິດສະດີຄວາມງາມ
- ໂຄງການສີລະປະນິພົນ
- ສີລະປະນິພົນ
Leave A Comment