ວິທະຍາສາດຄອມພິວເຕີ
ວິທະຍາສາດຄອມພິວເຕີ ໝາຍເຖິງວິທະຍາສາດທີ່ສຶກສາກ່ຽວກັບຄອມພິວເຕີເຊິ່ງລວມມີ ຮາດແວຣ໌, ຊອຟແວຣ໌, ເຄືອຂ່າຍ ແລະ ການປະຍຸກໃຊ້ຄອມພິວເຕີ ເຂົ້າໃນວຽກງານຕ່າງໆ. ສາຂານີ້ ມີຄວາມສໍາຄັນຫຼາຍເນື່ອງຈາກໃນປັດຈຸບັນ ຫຼາຍໆວຽກງານແມ່ນໄດ້ອາໄສເຕັກໂນໂລຊີ ແລະ ຄອມພິວເຕີໃຫ້ເກີດປະໂຫຍດຫຼາຍໆດ້ານ ເຊັ່ນ: ການຄວບຄຸມລະບົບຕູ້ ATM ຂອງລະບົບທະນາຄານ, ການນໍາໃຊ້ ໂປຣແກຣມ ແທນການເຮັດວຽກຂອງຄົນເຊັ່ນ ໂປຣແກຣມຄິດໄລ່ເງິນເດືອນ ແລະ ອື່ນໆ.
ສາຂານີ້ ໃນວິທະຍາໄລສຸດສະກະຈະໄດ້ຮຽນກ່ຽວກັບຄວາມຮູ້ຫຼາຍດ້ານທີ່ກ່ຽວຂ້ອງກັບເຕັກໂນໂລຊີ ແລະ ຄອມພິວເຕີຄື: ພື້ນຖານລະບົບຄອມພິວເຕີ ແລະ ການສ້ອມແປງ; ຮຽນກ່ຽວກັບເຄືອຂ່າຍເຊັ່ນ: ການເຊື່ອມຕໍ່ລະຫວ່າງຄອມພິວເຕີດ້ວຍກັນ ແລະ ຄອມພິວເຕີກັບອິນເຕີເນັດ; ການສ້າງ ແລະ ອອກແບບ ໂປຣແກຣມ ແລະ ຊອຟແວຣ໌; ການອອກແບບກຣາບຟິກ, ຕົກແຕ່ງ, ດັດແປງພາບ; ຮຽນພື້ນຖານກ່ຽວກັບຖານຂໍ້ມູນ, ພາສາຄອມພິວເຕີ, ການອອກແບບ ແລະ ພັດທະນາ ເວັບໄຊ໌.
ວິທີການສິດສອນ ລວມມີການຮຽນທັງພາກທິດສະດີ ແລະ ການປະຕິບັດຕົວຈິງ ໂດຍເນັ້ນໃສ່ການປະຕິບັດຕົວຈິງ ເນື່ອງຈາກສ່ວນໃຫຍ່ການຮຽນ ແມ່ນຕ້ອງການການນໍາໃຊ້ຄອມພິວເຕີເພື່ຶອຝຶກຫັດ ແລະ ທົດລອງ ໂດຍອີງຕາມເນື້ອໃນຂອງແຕ່ລະວິຊາເຊັ່ນ: ການອອກແບບ ແລະ ສ້າງເວັບໄຊ໌. ມີການລົງຝຶກງານຕາມອົງກອນທີ່ກ່ຽວຂ້ອງ; ມີການຂຽນບົດໂຄງການຈົບຊັ້ນກ່ຽວກັບ: ການສ້າງ ເວັບໄຊ໌, Program, Network ແລະ ຊອບແວຣ໌ ເປັນຕົ້ນ.
Leave A Comment