ກົດໝາຍອາຍາ
ກົດໝາຍອາຍາ ແມ່ນກົດໝາຍທີ່ມີໜ້າທີ່ປົກປັກຮັກສາລະບອບການເມືອງ, ເສດຖະກິດ ແລະ ສັງຄົມ ຂອງ ສປປ ລາວ, ກຳມະສິດຂອງລັດ, ລວມໝູ່ ແລະ ເອກະຊົນ. ກົດໝາຍດັ່ງກ່າວ ມີຄວາມສໍາຄັນຫຼາຍຕໍ່ກັບ ການພັດທະນາໃນ ຂົງເຂດວຽກງານ ຍຸດຕິທໍາ ໂດຍສະເພາະແມ່ນການແກ້ໄຂຂໍ້ຂັດແຍ້ງທີ່ແຕະຕ້ອງເຖິງສິດເສລີພາບ ແລະ ຜົນປະໂຫຍດ ອັນຊອບທໍາຂອງພົນລະເມືອງທຸກຄົນ, ຄວາມສະຫງົບຂອງຊາດ ແລະ ຄວາມເປັນລະບຽບຮຽບຮ້ອຍໃນສັງຄົມ.
ນັກສຶກສາຈະໄດ້ຮຽນຮູ້ກ່ຽວກັບໜ້າທີ່ຂອງກົດໝາຍອາຍາ ແລະ ການຈັດຕັ້ງປະຕິບັດກົດໝາຍດັ່ງກ່າວເຊິ່ງລວມມີການວິເຄາະ ອົງປະກອບທີ່ກໍ່ໃຫ້ການກະທໍາຜິດທາງອາຍາ, ການກໍານົດໂທດ ແລະ ຂັ້ນຕອນຂອງການດໍາເນີນຄະດີທາງອາຍາ. ນອກນັ້ນ, ນັກສຶກສາຍັງຈະໄດ້ຮູ້ກ່ຽວກັບພາລະບົດບາດຂອງອົງການທີ່ມີສິດອໍານາດໃນການດຳເນີນຄະດີອາຍາເຊັ່ນ: ສານປະຊາຊົນ, ໄອຍະການປະຊາຊົນ, ອົງການສືບສວນສອບສວນຂອງເຈົ້າໜ້າທີ່, ຕໍາຫຼວດ, ທະຫານ, ພາສີ ແລະ ປ່າໄມ້ອິກດ້ວຍ.
ການສິດສອນ ປະກອບມີການບັນລະຍາຍທາງດ້ານທິດສະດີ ແລະ ສຶກສາຈາກເຫດການຕົວຈິງທີ່ເກີດຂຶ້ນໃນສັງຄົມ, ມີການຕັ້ງບັນຫາເພື່ອໃຫ້ນັກສຶກສາຄົ້ນຄວ້າ ແລະ ສົນທະນາເປັນກຸ່ມໂດຍນຳໃຊ້ທິດສະດີເຂົ້າໃນການວິເຄາະບັນຫາດັ່ງກ່າວແລ້ວ ນໍາສະເໜີ ທັດສະນະຂອງນັກສຶກສາ. ນອກນັ້ນ, ຍັງມີການທັດສະນະສຶກສາ ແລະ ການຝຶກງານຢູ່ຕາມບັນດາ ຫ້ອງການປົກຄອງໃນຂັ້ນສູນ ກາງ ເຊັ່ນ: ກະຊວງພາຍໃນ, ຫ້ອງວ່າການລັດຖະບານ, ສະພາແຫ່ງຊາດ ແລະ ບັນດາຫ້ອງການລັດຂັ້ນທ້ອງຖິ່ນ.
ມີຄວາມຮູ້ ແລະ ຄວາມສາມາດໃນການວິເຄາະການກະທຳຜິດ ແລະ ໂທດທາງອາຍາ, ມີທັກສະທີ່ຈຳເປັນໃນການດໍາເນີນຄະດີອາຍາເຊັ່ນ: ການເອົາຄໍາໃຫ້ການ (ໂຈດ ແລະ ຈໍາເລີຍ), ສ້າງບົດບັນທຶກ, ຂຽນຄໍາຖະແຫຼງສັ່ງຟ້ອງຜູ້ກະທໍາຜິດຂຶ້ນສານ ແລະ ແຕ່ງຄໍາຕັດສິນຂອງສານເປັນຕົ້ນ. ນອກຈາກນັ້ນ ຍັງໄດ້ຝຶກຝົນທັກສະໃນການສື່ສານ ແລະ ການວິເຄາະລາຍລະອຽດ.
ໝວດວິຊາພື້ນຖານວິຊາສະເພາະ
- ພື້ນຖານກົດໝາຍແພ່ງ
- ພື້ນຖານກົດໝາຍ ໂຣມັນ
- ທິດສະດີລັດ ແລະ ກົດໝາຍ
- ກົດໝາຍລັດຖະທໍາມະນຸນ
- ກົດໝາຍທີ່ດິນ
- ກົດໝາຍລະຫວ່າງຊາດພາກລັດ
- ກົດໝາຍລະຫວ່າງຊາດພາກບຸກຄົນ
- ພື້ນຖານກົດໝາຍອາຍາ
- ຈັນຍາບັນນັກກົດໝາຍ
- ກົດໝາຍປົກຄອງ
- ເສດຖະສາດການເມືອງ
- ກົດໝາຍປົກປັກຮັກສາສິ່ງແວດລ້ອມ
ໝວດວິຊາສະເພາະ
- ກົດໝາຍວິສາຫະກິດ
- ພື້ນຖານກົດໝາຍອາຍາ
- ກົດໝາຍອາຍາສະເພາະ
- ກົດໝາຍການດໍາເນີນຄະດີອາຍາ
- ເຕັກນິກແຕ່ງເອກະສານດໍາເນີນອາຍາ
- ການປະຕິບັດຄໍາຕັດສິນອາຍາ
- ເຕັກນິກການສືບສວນ-ສອບສວນ ແລະ ການພິສູດຫຼັກຖານຄະດີ
- ກົດໝາຍອາຍາລະຫວ່າງປະເທດ
- ຂໍ້ຜູກພັນສັນຍາ, ກໍາມະສິດ ແລະ ມໍລະດົກ
- ກົດໝາຍຄອບຄົວ
- ກົດໝາຍການດໍາເນີນຄະດີແພ່ງ
- ກົດໝາຍປະກັນໄພ
- ກົດໝາຍພາສີ
- ກົດໝາຍສົ່ງເສີມການລົງທືນ
- ອາຊະຍາກໍາດ້ານເສດຖະກິດ
- ກົດໝາຍຊັບສີນທາງປັນຍາ
- ຂະບວນການຍຸດຕິທໍາສໍາລັບເດັກ
- ອາຍາວິທະຍາ
- ນິຕິເວດວິທະຍາ
- ນິຕິຈິດຈະພະຍາດ
- ການບໍລິຫານອົງການໄອຍາການປະຊາຊົນ
- ການບໍລິຫານສານປະຊາຊົນ
Leave A Comment