ພາສາອັງກິດທຸລະກິດ
ພາສາອັງກິດທຸລະກິດ ແມ່ນພາສາທີ່ໃຊ້ເຂົ້າໃນຂົງເຂດວຽກງານທຸລະກິດໂດຍກົງ ບໍ່ວ່າຈະເປັນທຸລະກິດຂະໜາດນ້ອຍ ຫຼື ຂະໜາດໃຫຍ່ ເຊິ່ງມີຈຸດປະສົງໃນການພັດທະນາ, ພົວພັນວຽກງານສາກົນ ແລະ ສົ່ງເສີມເສດຖະກິດເພື່ອກຽມພ້ອມ ບຸກຄະລາກອນລາວໃຫ້ມີຄວາມສາມາດໃນເວທີສາກົນ. ພາສາອັງກິດ ມີບົດບາດສໍາຄັນ ແລະ ມີອິດທິພົນຫຼາຍໃນແຕ່ລະຂົງເຂດວຽກງານ ຂອງຫຼາຍປະເທດ ລວມທັງ ປະເທດລາວ.
ສາຂານີ້ຮຽນກ່ຽວກັບພາສາອັງກິດທີ່ໃຊ້ສື່ສານໃນການປະກອບອາຊີບທາງທຸລະກິດ ແລະ ການດໍາເນີນທຸລະກິດ ເຊັ່ນ: ພາສາອັງກິດສຳລັບຂົງເຂດວຽກງານການທ່ອງທ່ຽວ, ການບໍລິຫານໂຮງແຮມ-ການບໍລິການ, ການປະຊຸມ, ການຂຽນອີເມວ ແລະ ການນໍາສະເໜີປະຊາສໍາພັນຕ່າງໆ. ນອກຈາກນີ້ ຍັງຈະໄດ້ຮຽນພື້ນຖານພາສາອັງກິດ ເຊັ່ນ: ການອ່ານ, ການຂຽນ, ການສົນທະນາ, ການເບິ່ງຮູບເງົາ, ການຕອບຈົດໝາຍ, ຫຼັກການພາສາອັງກິດ, ພື້ນຖານການເຮັດທຸລະກິດ, ການແປພາສາ ແລະ ອື່ນໆ.
ວິທີການສິດສອນຂອງພາກວິຊາພາສາອັງກິດທຸລະກິດນີ້ ແມ່ນ ອີງໃສ່ພາກທິດສະດີ ແລະ ພາກປະຕິບັດຕົວຈິງ ເຊັ່ນ: ຮຽນຈາກປື້ມແບບຮຽນ, ນໍາພານັກສຶກສາເຮັດບົດເຝິກຫັດທີ່ຢູ່ໃນປື້ມແບບຮຽນ, ສົ່ງອີເມວຕົວຈິງ (ສົ່ງໄປຫາອາຈານ), ນໍາພານັກສຶກສາອ່ານປື້ມປະເພດຕ່າງໆ, ແປພາສາ ແລະ ການສະແດງບົດບາດສົມມຸດໃນສະພາບການຕ່າງໆ ເຊັ່ນ: ໃນການປະຊຸມ. ນອກນັ້ນຍັງມີການໄປທັດສະນະສຶກສາຕາມໂຮງແຮມ ແລະ ບັນດາບໍລິສັດເອກະຊົນຕ່າງໆ.
ເປັນຄຸສອນພາສາອັງກິດຕາມໂຮງຮຽນມັດທະຍົມ ແລະ ວິທະຍາໄລເອກະຊົນຕ່າງໆ ຫຼື ປະກອບອາຊີບອື່ນໆທີ່ໃຊ້ພາສາອັງກິດ ເຊັ່ນ: ພະນັກງານຕ້ອນຮັບ, ພະນັກງານສື່ສານ, ຜູ້ປະສານງານ, ເຮັດວຽກພົວພັນຕ່າງປະເທດ, ຮັບຜິດຊອບຮ່າງເອກະສານເປັນພາສາອັງກິດ, ນາຍແປພາສາ ໃນໜ່ວຍງານຕ່າງໆ ເຊັ່ນ: ທະນາຄານ, ກະຊວງການຕ່າງປະເທດ, ອົງການຈັດຕັ້ງທີ່ບໍ່ຂຶ້ນກັບລັດຖະບານ (NGOs), ໂຮງແຮມ ເປັນຕົ້ນ.
Leave A Comment