ຂໍ້ມູນຂ່າວສານທາງດ້ານພູມສັນຖານ
ຂໍ້ມູນຂ່າວສານທາງດ້ານພູມສັນຖານ ໝາຍເຖິງການນຳໃຊ້ຂໍ້ມູນຂ່າວສານ ແລະ ລະບົບໂປຣແກຣມເຂົ້າໃນວຽກງານທາງດ້ານການສຳຫຼວດພູມສັນຖານ. ສາຂານີ້ ມີຄວາມສຳຄັນໃນການອຳນວຍຄວາມສະດວກໃຫ້ແກ່ການເກັບກຳຂໍ້ມູນທາງດ້ານພູມສັນຖານທີ່ຈຳເປັນໃນການອອກແບບທາງດ້ານວິສະວະກຳ, ການສຳຫຼວດໜ້າດິນ ແລະ ລະດັບນ້ຳໂດຍນຳໃຊ້ໂປຣແກຣມ ແລະ ການອອກແບບດ້ານສະຖາປັດຕະຍະກຳ ເຊັ່ນ ການອອກແບບອາຄານ ແລະ ຜັງເມືອງໃຫ້ສອດຄ່ອງກັບພື້ນທີ່ພູມສັນຖານ.
ສຶກສາກ່ຽວກັບສາມດ້ານໃຫຍ່ຄື: ດ້ານພູມສັນຖານ, ດ້ານໄອທີ ແລະ ດ້ານວິສະວະກໍາສະຖາປັດຕະຍະກໍາ ເຊິ່ງລວມມີ: ການສຶກສາລັກສະນະຂອງພື້ນດິນ, ການນໍາໃຊ້ທີ່ດິນ ແລະ ສິ່ງປຸກສ້າງ; ລະບົບຄອມພິວເຕີ ແລະ ໂປຣແກຣມຕ່າງໆ ເຊັ່ນ: ລະບົບຄອມພິວເຕີກຣາບຟິກ, ໂປຣແກຣມແຕ້ມແບບ; ເຄື່ອງມື ແລະ ວິທີການເກັບກໍາຂໍ້ມູນ, ການສ້າງຖານຂໍ້ມູນພູມສັນຖານດ້ວຍໂປຣແກຣມ. ນອກນີ້ ຍັງສຶກສາກ່ຽວກັບ ພື້ນຖານການສຳຫຼວດ, ວັດແທກ ແລະ ການອອກແບບວາງແຜນການກໍ່ສ້າງອີກດ້ວຍ.
ເນັ້ນໃຫ້ນັກສຶກສາລົງປະຕິບັດຕົວຈິງໂດຍການລົງເກັບກຳຂໍ້ມູນທາງດ້ານພູມສັນຖານກັບຊຸມຊົນເມືອງ, ຊຸມຊົນຊົນນະບົດ ແລະ ອົງກອນຕ່າງໆທີ່ກ່ຽວຂ້ອງທັງພາກລັດ ແລະ ເອກະຊົນ. ຫຼັງຈາກນັ້ນນັກສຶກສາຈະໄດ້ນຳເອົາຂໍ້ມູນດ້ານຕ່າງໆເຫຼົ່ານັ້ນມາວິເຄາະ ເຊັ່ນ: ວິເຄາະການນຳໃຊ້ທີ່ດິນ ແລະ ສິ່ງປຸກສ້າງ, ວິເຄາະດ້ານສິ່ງແວດລ້ອມ, ການວິເຄາະດ້ານການສຳຫຼວດອອກແບບ, ວິເຄາະດ້ານປ່າໄມ້, ວິເຄາະດ້ານອຸດສາຫະກຳ ແລະ ອື່ນໆ.
ຄວາມຮູ້ພື້ນຖານທາງດ້ານຄະນິດສາດ ໂດຍສະເພາະແມ່ນ ເລຂາຄະນິດ ແລະ ໄຕມູມມິຕິ, ພູມສາດ, ພາສາອັງກິດ ແລະ ທັກສະພື້ນຖານ ໃນການນຳໃຊ້ຄອມພິວເຕີ. ມີຄວາມສົນໃຈໃນການຊອກຮູ້ ແລະ ຄົ້ນຄວ້າກ່ຽວກັບເຕັກໂນໂລຊີໃໝ່ໆ; ສົນໃຈໃນການຊອກຮູ້ກ່ຽວກັບພູມສາດ, ມັກແຕ້ມຮູບ, ແຕ້ມກ່າຍ, ມັກຄົ້ນຄວ້າຂໍ້ມູນທາງດ້ານພູມສັນຖານ.
ໝວດວິຊາເຕັກນິກທົ່ວໄປ
- ຄອມພິວເຕີກຣາບຟິກ
- ຫຼັກການບໍລິຫານ
- ໄຟຟ້າອີເລັກໂຕນິກ
- ການສໍາຫຼວດອອກແບບວິສະວະກໍາ
- ການອອກແບບວາງແຜນຊຸມຊົນ
- ສິ່ງແວດລ້ອມ
- ຂໍ້ມູນການຄຸ້ມຄອງນໍາໃຊ້ທີ່ດິນ ແລະ ສິ່ງປຸກສ້າງ
- ຄວາມຮູ້ທົ່ວໄປກ່ຽວກັບພູມສັນຖານ
- ຄວາມຮູ້ພື້ນຖານວິຊາວັດແທກແຜນທີ່
- ເຕັກນິກການຄິດໄລ່ອອກແບບທາງດ້ານວິສະວະກໍາ
- ການບໍລິຫານໂຄງການ
- ກໍາມະວິທີການວິໄຈ
- ສະຖິຕິສໍາລັບການວິໄຈ
ໝວດວິຊາສະເພາະ
- ການສ້າງແຜນທີ່ພູມສັນຖານ
- ພາບຖ່າຍທາງອາກາດ ແລະ ດາວທຽມ
- ລະບົບການບໍລິຫານຂໍ້ມູນ
- ການນໍາໃຊ້ GPS
- ການສຶກສາວິໄຈ ແລະ ການປະຕິບັດວິຊາຊີບ
- ການອອກແບບວິໄຈ ແລະ ວິເຄາະຂໍ້ມູນ
- ລະບົບຂໍ້ມູນ ແລະ ໂປຣແກຣມ
- ລະບົບຂ່າວສານ ແລະ ການສໍາຫຼວດທາງໄກ
- ການນໍາໃຊ້ ແລະ ພັດທະນາ GIS
- ໂປຣແກຣມແຕ້ມແບບກິດຈະການ
- ການປະເມີນຂໍ້ມູນຂ່າວສານທາງດ້ານອຸດສາຫະກໍາ
- ການອອກແບບເວັບໄຊ້
- ຄວາມຮູ້ພື້ນຖານກ່ຽວກັບການອອກແບບ
- ໂປຣແກຣມມິງ Programming
Leave A Comment