ອອກແບບຕົກແຕ່ງ
ສາຂາວິຊາການອອກແບບຕົກແຕ່ງ ເປັນສາຂາຮຽນໜຶ່ງຂອງຄະນະສະຖາປັດຕະຍະກໍາສາດ ທີ່ໄດ້ລົງເລິກກ່ຽວກັບການສຶກສາດ້ານສິລະປະການອອກແບບ,ທັດສະນີຍະພາບທັງພາຍໃນແລະພາຍນອກ ເພື່ອໃຫ້ເກີດຄວາມສວຍງາມ ແລະ ຄວາມສະດວກສະບາຍໃຫ້ແກ່ຜູ້ຊົມໃຊ້ ແລະ ຈຸດປະສົງຫຼັກຂອງໃນການສ້າງນັກວິຊາການດ້ານການອອກແບບຕົກແຕ່ງພາຍໃນ ແລະ ພູມິທັດໃນເຂດອ້ອມຮອບອາຄານ ເຊັ່ນ: ປະເພດອາຄານທີ່ຢູ່ອາໄສ ແລະ ອາຄານສາທາລະນະທົ່ວໄປ.
ວິຊານີ້ຮຽນກ່ຽວກັບການອອກແບບຕົກແຕ່ງທັງພາຍໃນ ແລະ ພາຍນອກ. ນັກສຶກສາຈະໄດ້ຮຽນຮູ້ກ່ຽວກັບ ການໃຊ້ຄວາມຄິດຈິນຕະນາການທີ່ມີຄວາມຫຼາກຫຼາຍຮູບແບບ ແລະ ແປກໃໝ່ເຂົ້າໃນການອອກແບບລວດລາຍຕ່າງໆ ການປະສົມປະສານຮູບແບບທ້ອງຖິ່ນ ແລະ ຮ່ວມສະໄໝ ແລ້ວນຳມາໃສ່ພື້ນຜິວອາຄານ ຫຼື ຕົກແຕ່ງດ້ວຍວັດສະດຸຕ່າງໆ. ນອກຈາກນີ້, ນັກສຶກສາຍັງຈະໄດ້ໃຊ້ຄວາມຮູ້ທາງດ້ານວິທະຍາສາດ ແລະ ວິທະຍາການຕ່າງໆ ຢ່າງມີສິລະປະເຂົ້າໃນການອອກແບບຕົກແຕ່ງ.
ວິທີການສິດສອນຂອງພາກວິຊາອອກແບບຕົກແຕ່ງນີ້ແມ່ນອີງໃສ່ລະບົບໜ່ວຍກິດເປັນການສອນທິດສະດີ ແລະ ປະຕິບັດໂຄງການໄປພ້ອມໆກັນ ນອກນັ້ນ ຍັງໄດ້ນໍາພານັກສຶກສາລົງຝຶກງານສໍານັກງານ, ຫ້ອງການ ແລະ ສະໜາມກໍ່ສ້າງທັງພາກລັດ ແລະ ເອກະຊົນ ພ້ອມທັງນໍາພານັກສຶກສາໄປທັດສະນະສຶກສາຢູ່ພາຍໃນ ແລະ ຕ່າງປະເທດ. ຫຼັກສູດປະລິນຍາຕີການອອກແບບຕົກແຕ່ງໃຊ້ເວລາການສຶກສາເປັນເວລາ 4 ປີ ຫຼື ບໍ່ຕໍ່າກວ່າ 8 ພາກຮຽນ.
ນັກຮຽນທີ່ຈະເຂົ້າມາຮຽນໃນສາຂານີ້ ຕ້ອງເປັນຄົນທີ່ມີຄວາມກະຕືລືລົ້ນໃນການຮຽນຮູ້, ເປັນຄົນທີ່ມີຄວາມສົນໃຈ, ຕັ້ງໃຈ ແລະ ຄວາມມຸ້ງໝັ້ນຢາກຮຽນຮູ້ພາສາອັງກິດເຊິ່ງສາມາດນໍາໃຊ້ໄດ້ໃນທຸກຂົງເຂດທຸລະກິດ.ນອກນັ້ນ ຕ້ອງເປັນຄົນທີ່ມີພອນສະຫວັນໃນຕົວ ເຊັ່ນ:ມີມະມຸດສໍາພັນດີ, ຄວາມກ້າສະແດງອອກ ແລະ ຄວາມສາມາດໃນການຕໍ່ລອງເຈລະຈາເປັນຕົ້ນ.
- ໝວດວິຊາສະເພາະພື້ນຖານ
- ການແຕ້ມລາຍເສັ້ນ
- ການວາດພາບ ແລະ ປັ້ນ
- ການແຕ້ມແບບເຕັກນິກ
- ການນໍາສະເໜີແບບຜະລິດຕະພັນ
- ທິດສະດີການນໍາສະເໜີ
- ປະຫວັດສາດສິລະປະ
- ພື້ນຖານການອອກແບບ
- ພາສາອັງກິດສໍາລັບສະຖາປັດຕະຍະກໍາ
- ກຳລັງວັດສະດຸ
- ວິທີການກໍ່ສ້າງ
- ກົນລະສາດວັດສະດຸ
- ໂຄງການອອກແບບສະຖາປັດຕະຍະກຳ
- ເກນ ແລະ ແນວຄວາມຄິດການອອກແບບສະຖາປັດຕະຍະກໍາ
ການວາດໂຄງຮ່າງ
- ໝວດວິຊາສະເພາະລົງເລິກ
- ຄວາມສໍາພັນລະຫວ່າງສີ ແລະ ການໃຊ້ສີ
- ການແຕ້ມແບບສະຖາປັດຕະຍະກໍາພາຍໃນ
- ວັດສະດຸ ແລະ ອຸປະກອນສໍາລັບການອອກແບບຕົບແຕ່ງພາຍໃນ
- ແນວຄວາມຄິດໃນການອອກແບບຕົບແຕ່ງພາຍໃນ
- ການນໍາໃຊ້ຄອມພິວເຕີໃນການຕົບແຕ່ງພາຍໃນ
- ຄວບຄຸມສະພາບແວດລ້ອມພາຍໃນອາຄານ
- ການອອກແບບພາຍໃນສໍາລັບຄົນພິການ
- ການອອກແບບໂຄສະນາ
- ເຕັກໂນໂລຊີການອອກແບບການຕົບແຕ່ງພາຍໃນອາຄານ
- ການອອກແບບກຣາຟີກໃນການຕົບແຕ່ງພາຍໃນ
- ສະຖາປັດຕະຍາກໍາລາວ ແລະ ທ້ອງຖີ່ນ
- ການອະນຸລັກ ແລະ ການພັດທະນາ
- ຈິດວິທະຍາການອອກແບບສະພາບແວດລ້ອມ
- ການອອກແບບພູມິທັດ
- ການບໍລິຫານໂຄງການໃນການອອກແບບພາຍໃນ
ໂຄງການອອກແບບຕົກແຕ່ງພາຍໃນ
- ໝວດວິຊາເລືອກ
ສະພາບອາກາດຮ້ອນ
ການອອກແບບງານສະແດງ
ການອະນຸລັກສິລະປະ
ພັນໄມ້ໃນການຕົກແຕ່ງ
ຊຸມຊົນເມືອງ ແລະ ເຄຫະສະຖານ
Leave A Comment